阿卓，我「人在丹麥心情好」，你竟然趁我唔響香港，繼續同我筆戰。好，就響丹麥同你死過。早兩日你講的士判官，我睇完非常火滾，在此講多次，我只會對付連打燈基本道路禮儀也不懂嘅的士司機，唔該你清清楚楚記住。你都唔見得比我好，快啲檢查你部車，每次見你起步或轉波，尾喉都有一陣電油味。你學人上網買改裝車，拍心口話引擎報正無問題，最後咪又係驗唔到車。
引擎廢氣唔合格、「頭擔」無咗……
身為車版記者竟然都唔知道再報引擎係有T字，個電油噴嘴仲好似死晒火咁亂咁噴，你俾人呃咗兼污染緊環境。𠵱家啲改裝車有好多蠱惑嘢，特別係本地自家炮製，連電腦都會駁錯，我同你講過，買車唔可以貪啲改裝補品，呢種正係坊間所謂嘅「鬼車」。講人點唔好，快啲去Check吓你部爛車先喇。
記者：鄭達基