近日被傳明爭暗鬥的佘詩曼和黎姿，昨日齊齊宣傳劇集《火舞黃沙》，早前黎姿晒20多萬行頭現身宣傳活動，昨日阿佘終爭回一口氣，以熱褲騷美腿搶鏡，成功擊退密實黎姿。
無綫劇集《火舞黃沙》演員蔡少芬、黎姿、佘詩曼、陳豪和黃德斌昨日在屯門公眾騎術學校，分兩組比賽騎馬，最終阿佘、陳豪、黃德斌和邵美琪落敗，要接受「點天燈」懲罰。
當做宣傳
佘詩曼等人隨隊出發時，因不熟路而遲了45分鐘，自行到埗的黎姿惟有耐心等候，阿佘甫到達即搭着黎姿和蔡少芬合照，對於以熱褲搶鏡，阿佘說：「我冇諗過搶鏡問題，只覺得好熱，知道唔使騎馬先咁着。」對於近日與黎姿的明爭暗鬥是非，阿佘表示百思不得其解，只當做宣傳，有指富商送法拉利追求她，阿佘說：「唔想提，總之我唔係物質、金錢主義者，係浪漫主義者。」
而以密實裝束上陣的黎姿，看見阿佘美腿撩人，即大讚道：「好靚呀佢雙腳，炎夏吖嘛。」對於是非源源不絕，黎姿歎謂：「我都𢱑晒頭，可能傳媒幫《火舞黃沙》宣傳囉，冇影響大家感情。」
歎累老竇
至於蔡少芬，談到有傳媒拍得其父退休後居住蘇屋邨，指她仍為當年被迫選美一事未肯原諒父親，蔡少芬說：「其實冇話原唔原諒嘅，反而老竇要原諒番我，累佢俾人騷擾，最緊要佢開心。」
採訪：卓寶花 攝影：陳俊強
