籌款活動要有Noise多人知，花臣一定唔少得，好似今日公布詳情嘅「鼠戰中環2006」，10月中先舉行，但因為第一次喺香港搞，又指定參賽者要着住返工衫，拎住公事包，喺條2.5公里嘅賽道玩障礙賽，未有得睇都諗到有幾盞鬼啦！
個比賽分為團體（RatRace）及個人（BigRatRace）兩部份，團體賽每隊8人（同一公司），最低籌款額為5萬蚊，賽事以接力形式進行，名額60個，先到先得；而入圍參加團體賽嘅公司高層，只要額外捐多一萬蚊，就可以玩埋個人賽，贏咗就係大老鼠。
活動搞手置地公司話，個比賽之前喺紐約及多倫多舉行過，香港嘅賽道會圍繞遮打道一帶（圖為個人賽路線），善款就捐畀怡和旗下慈善組織「思健」（Mindset），用嚟推廣精神健康。