四年一度嘅世界盃，要等到下個月先有得睇，但早幾日，有50個滙豐義工，喺公司嘅銀彈（撥款萬六蚊）支持下，已經率先約埋路向四肢傷殘人士協會嘅會員，喺將軍澳寶康公園搞足球運動日。 呢個運動會已經踏入第6年，除咗事前準備功夫做到足之外，又同路向嘅會員一齊玩，唔好睇少路向嘅阿哥阿姐，佢哋雖則四肢有唔同程度殘障，但反應一啲都唔差，個個仲玩得鬼咁投入。