衞詩昨日帶病到新城電台接受訪問，雖然母親節在即，但因為工作關係，她未能與家姐衞蘭到韓國探望早前生病的母親，她說：「媽咪已經好番喇，但為咗可以百分之一百康復，就要長時間休息。我同家姐都好想過去探佢，但係工作太多，真係冇辦法行得開，惟有到時同家姐打電話畀媽咪傾偈。記得以前母親節，試過同媽咪喺韓國去教會唱聖詩，又會去拜祭外婆。」
帶病開工
唱片公司正計劃為衞蘭和衞詩舉行音樂會，衞詩說：「如果真係嘅話，好想媽咪嚟香港睇。其實佢周不時都想過嚟㗎，如果真係嘅就可以陪媽咪shopping，我諗佢會好開心。」
至於帶病開工的衞詩表示近日感到頭暈和喉嚨痛，相信是連日來都沒有足夠睡眠有關。
採訪、攝影：王連連