今日早晨9:00就要起身，廠方話係坐巴士去瑞典試車，吓，坐巴士？雖然我係一個巴士迷，但坐巴士去瑞典，真係會悶死喎。點知上巴士唔夠20分鐘，過咗一個好似快易通（Autotoll）嘅東西，就到咗目的地瑞典，我哋亦唔須要辦任何過關手續，呢度係屬瑞典市郊地區，我哋將會響咁靚嘅郊區測試富豪S80。
今次到丹麥最令我深刻係呢度嘅物價，好似呢支500ml嘅細百事可樂，差不多港幣$28，無辦法，我好口渴，惟有照買喇。聽同事講丹麥係性愛之都，周圍都係陽具，色情刊物及影像都已合法化，但係我一啲都感覺唔到，最少連鹹書都未買到。順帶一提，丹麥係用左軚巴士，全部都係富豪，但車身比香港的巴士矮了一點，座位是高靠背式，車費唔係太貴，和香港差不多，有冷暖氣，令我呢個巴士迷好滿足、好開心呀。
鄭達基哥本哈根直擊