榮雪梅昨日在中環IFC示範一系列Loewe需接受訂購的皮革服裝，更即場掏腰包買下一件價值17,500元的fox背心。事後她表示是趟示範只當玩票，皆因以模特兒來說，她太老了。母親節將至，榮雪梅表示兒子每年均會親自畫卡送給她，去年更以自製手鏈作為禮物。
榮雪梅昨日以模特兒身份在中環IFC，為西班牙皮具品牌Loewe示範一系列需接受訂購的couture皮草皮革服裝，問她再任模特兒是否行騷行上癮？她說：「唔係，我當玩吓啫，我呢個年紀做模特兒太老啦，我又唔會考慮有幾多酬勞，當同個brandkeep住良好關係囉。」
豪氣置裝冇Quota
其間榮雪梅看中了1件價值17,500的fox背心，且即時購下，她說：「我一向好鍾意呢個牌子，好啱我，今季啲顏色又好浪漫。」問她今個春夏買衫quota爆了沒有？她豪氣地說：「我買嘢冇限幾多quota嘅，今季買多咗下季咪買少啲囉，女人喺仲可以扮靚嘅時候投資多少少係應該嘅。」
兒子送禮倍珍貴
母親節將至，問榮雪梅將如何慶祝？她說：「舊年我老公就叫個仔買咗支香水畀我，同埋我個仔除咗每年都親手畫卡畀我之外，舊年仲親手做咗條手鏈送畀我，我當呢條鏈係寶，唔戴嗰陣就會擺喺保險箱，不過我今年母親節想陪吓媽咪就真，佢咁多年都喺內地做房地產生意，都好攰㗎啦。」
採訪：JessicaNgan 攝影：RickyIp
