噚日講過電盈now寬頻電視拒落競爭對手CSL嘅廣告，話對方嘅產品同電盈有牴觸。原來單嘢唔只從未有前科，仲係now有史以來第一宗。
據CSL方面講，早喺上個月底已傾好個廣告，諗住5月2號出街，點知當日下晝至收到通知，話唔出得街。初時連解釋都冇，經一輪交涉後，第二日先有封書面聲明，理由就係根據nowTV政策，所有廣告都要先得到電盈高層批准。封信仲列出一大堆會同佢哋有競爭嘅產品或服務，包括電視及相關產品、電訊……連集團聯屬公司嘅都包埋，即係做地產嘅盈大，同做音樂嘅MusicNation等等。範疇咁大，不如唔好做廣告罷啦。
華華諗，若果二少老竇間和記電訊喺now度賣3G服務嘅廣告，咁佢哋又會唔會拒絕呢？