銀行三日唔埋兩日就出新信用卡，十居其九都係搶後生仔市場，噚日出XciteVisa新卡嘅永隆，佢哋位信用卡中心主管雷羨翹就話，就算俾大行追打都冇有怕，仲話做細嘅勝在靈活性夠高咁話！
要做出成績，除咗勇之外，仲要多花臣至得；永隆呢張新卡，一卡有黑白兩款，黑色嗰張係波浪形設計，係Visa喺香港第一張自由形狀嘅卡，白色嗰張就同普通卡冇分別，申請成功嘅話，兩張一次過畀晒你，簽賬額就各半，最主要分別在於黑色嗰張形狀用唔到ATM機囉！雷羨翹又話，卡戶如果信用紀錄良好，仲會主動減低個客現金透支息率，好似張新卡實際年利率係35%，若果個客兩三個月都冇不良紀錄，最多可以減28.5%。