美國國際集團（AIG）嘅總部喺香港開幕後，瓣數似乎愈嚟愈多，佢哋昨日正式宣布，旗下私人銀行「瑞士友邦銀行」嘅香港分行已獲發銀行牌，原來早在1985年起已喺香港開代表處，事隔超過20年，終於正式升格。
聽講AIG明年仲會將新加坡代表處升格為分行，香港同新加坡咁近，唔怕兩家分行重叠咩？管理層話，已經將香港定位為「地區總部」，主要負責香港市場業務；新加坡則係「東南亞的中心」，兼攻離岸私人銀行業務。
噚日適逢香港分行開幕，AIG喺總部搞咗個拍賣會，由聖基道兒童院嘅小朋友捐出幾幅畫作，用嚟籌募該院嘅經費。拍賣嘅嘉賓成200多位，包括財經事務及庫務局局長馬時亨，3幅公開拍賣嘅畫作共籌得35萬幾。