生完B女都有3個禮拜嘅吳君如，前晚同田蕊妮、鄒凱光主持《她他她打到嚟》，君如𠵱家仲坐緊月，佢自封「福奶媽」，成晚係咁講點餵人奶，又唔避忌話自己因為餵人奶，搞到成日滴奶水，仲因為要湊B女，搞到冇覺好瞓。君如話囡囡𠵱家個樣仲係懵盛盛，但就鬼打咁精神，夜晚11點醒咗，半夜3、4點仲眼仔睩睩，玩幾個鐘都唔瞓。