屋企焗薯茸微焦就掂

小朋友最鍾意食出面西餐廳嘅炸薯條，如果無薯條，連焗薯茸都唔放過。其實薯仔有豐富澱粉質，不過炸到油淋淋就唔係咁健康，自己喺屋企整就可以控制得好啲。我會先將薯仔用滾水灼熟，然後用湯匙壓到所有薯仔變成薯茸，再加入少少鹽同少少胡椒粉，撈勻佢再搓成粉糰狀，放入焗爐焗一陣，焗到面層有微焦效果就掂。啲小朋友見到喺屋企有得食薯茸都不知幾咁高興。