香港珠寶設計師張王幼倫去年成功擊敗全球設計師，為荷李活巨獻《達文西密碼》設計電影中的神秘十字鑰匙及3件珠寶，鑰匙設計以上金下鋼、集藝術氣息與高科技於一身，耗時3星期便完工。張王幼倫為了保留這4件珠寶的版權更不收酬勞，以便將來作展覽及拍賣。
今年全球矚目電影《達文西密碼》（TheDaVinciCode）將於下周四在香港上映，片中開啟一切秘密的十字鑰匙吊墜，去年曾廣邀多國珠寶設計師設計，最後落在香港珠寶設計師張王幼倫身上。
少做鑰匙最難搞
張王幼倫前日接受訪問時謂最初只是機緣巧合，她說：「𠵱家當然開心同榮幸，初時我就懵懵地，有人問我有冇興趣做，當時已經好多人爭，咁我睇過本書，覺得幾interesting，不過佢哋department叫我左等右等，等一個月喎，我個人心急，費事等，咪直接將個concept同草圖e-mail畀總部，佢哋即時話nodoubt，一定係我！」
張王幼倫謂兩年前已看過原著，落實計劃後她又重新再看一次，她說：「最難做梗係條鑰匙啦，因為我哋做珠寶，好少做鑰匙，條匙上半部係金，下半部係鋼，而上半部要做到好舊式，有宗教歷史、藝術氣息，下半部又要好hightech，刻上符號，又要計角度、大小，連配件嘅金鏈都係特別訂做，鏈嘅窿幾大我都計過。𠵱家OK啦，佢哋好滿意，第二導演都親自多謝我。」
送別針給湯漢斯
而片中出現的其餘3件珠寶，張王幼倫謂設計難度不高，她說：「TheFleurdeLys鉑金別針只係用番個key嘅設計，不過湯漢斯（TomHanks）好鍾意，我送咗一個畀佢；片中由尚連奴（JeanReno）演嘅法國總部隊長戴嘅十字架別針，小說內冇乜形容，所以都係我自己創作，電影公司都冇改動，佢哋初時只係要求用安力士（縞瑪瑙），我最終都寧願用黑鑽，近鏡靚啲，同埋個法國明星比較大隻，我就設計得大件少少。」
DTC鑽石版作拍賣
張王幼倫表示在電影中出現的4件珠寶，是她設計後再與電影公司商量，互相磨合而成，她說：「我哋做首飾，就一定要閃、要靚，佢哋拍電影又有啲角度唔同。4件珠寶係我歷來做過最趕嘅作品，3個星期完成。」問她荷李活電影出名酬勞好，她的酬金有多少？張王幼倫說：「冇！因為我想要番個自由度，自己要番個right，𠵱家我想做展覽會、做拍賣，幾時做都得，一收錢就佢哋話晒事，所以我寧願唔要錢。」
現時張王幼倫開設的公司Carnet擁有這條鑰匙及片中多件首飾的專利版權，張王幼倫更與DTC合作，以此鑰匙為藍本，設計一條鑽石特別版作慈善拍賣用途。
採訪：DebbieLum
攝影：RickyChan
服裝：Dior
