譚詠麟（阿倫）與李克勤合作做騷後，最近又合演笑片《左麟右李之我愛醫家人》，戲中阿倫可謂出盡風頭，1人分演多個角色，反串扮阿婆、又醜化自己扮大肚腩中坑，實行搞搞震，娛樂觀眾，充份展現阿倫的喜劇細胞。
譚詠麟與李克勤由03年開始，合共舉行了70場《左麟右李》演唱會，由於演唱會大受歡迎關係，2人再度合作，不過就由演唱會轉向大銀幕，拍攝電影《左麟右李之我愛醫家人》，影片將於6月上映。
具親切喜劇感
原來阿倫近10年已甚少拍電影，他說：「我希望拍到部故事性強，內容又有意思嘅喜劇，觀眾需要係親切感，我希望將呢種精神帶畀觀眾。」戲中阿倫1人分演多個角色，反串80歲嫲嫲、四眼銀髮爸爸、大肚腩大哥及鴨嘴帽二哥，1手包辦4個角色，其中以嫲嫲同大肚腩角色最為突出，亦都是最辛苦的演繹。
感受華仔苦況
阿倫扮嫲嫲角色，需要塗上厚厚的化妝品，落妝的時候，阿倫即時高呼：「重見天日啦！」阿倫說：「因為個妝好厚，所以我要對住鏡練習喜、怒、哀、樂表情，今次試過特技化妝之後，終於體會到當日劉德華、林嘉欣原來係咁辛苦㗎！」
撰文：魯萍
