香港買車要夠大夠豪，比起呢班車，認真小巫見大巫，其中福特MagnumSUV，係當今最長原廠出品之一，無經過任何改裝下，車長約10米，可坐10人，車廂仲有「型」和「經典」選擇。各位唔好有樣學樣喎，因為將車改長須要與別不同嘅焊接和技術。
一般長陣版汽車只是將前後輪的軸距拉長100-200mm，但今次的超長陣汽車，最少長多2米。唔好以為就咁劏開部車，塞個鐵筒入去就算，其實要計算埋車身的力點位置，讓4個車輪平分重量，又要用電焊接合車身，咁至唔會變成一撞就散嘅積木車。
改長唔改闊
加長車身不會影響行車穩定性，只要轉彎時預多一點空間就可以，但改闊就不同，單在車架上加入鋼管拉闊，前輪會轉向不足，扭晒軚都轉唔到彎，涉及的技術和金錢亦較高。
跑車都可加長
最出名玩長陣跑車係中東酋長，佢哋啲錢多到使唔晒，往往就同車廠訂做特別版跑車，而長陣就係佢哋最愛嘅玩法。
記者：伍旋卓