堅決的一句「我哋唔係地下樂隊、唔係街頭Band仔，我哋係RockStar！」來形容自己的高潮樂隊，他們會細心研究自己形象，會配合不同音樂將Fashion注入樂隊Image之內。5月尾即將推出新大碟的高潮，將一改HardCore形象，即管睇睇佢哋將會點RockStar法？
記者：許維雅
攝影：陳陶鈞
從頭到尾係RockStar
一向給人HardCore味甚重的高潮樂隊，經常令人錯覺他們係地下樂隊、街頭Band仔，無論音樂同形象都會好極端的那一種，只會着極級窄身褲、黑色貼身衫、Punk味極濃的樂隊。但他們卻異口同聲話：「我哋係RockStar！從頭到尾都係！只係香港人好多時睇嘢只會睇外表，我哋出道時形象較重HardCore味，佢哋就連我哋啲音樂都未聽過就將我哋定型！我哋其實會有不同形象，會配合不同音樂而有所改變。我哋好注重自己形象，會留意潮流興乜，我哋都有機會着啲五顏六色嘅衫，不過𠵱家未係時候啫！」
配合新碟新Fashion
5月將會推出大碟《RockMyClimaxPlanet》的高潮樂隊，Barry將會負責音樂部份。他為今次大碟加入好多新嘅元素，有愛情、有生活、有玩樂，好似一本故事書咁用音樂帶出唔同嘅故事，唔希望畀人覺得玩Band嘅都係憤世嘅。大碟喺音樂上試咗好多唔同Style嘅嘢，Punk得嚟會有RockerBilly、BigBand、PopBand等，仲有情歌同慢歌。
配合今次大碟，形象方面就會以黑、白、紅為主題，不過亦會因應成員自己獨有個人風格而發揮。負責樂隊形象指導的林祥焜覺得：「我希望盡量帶多啲Fashion嘅嘢畀其他樂隊成員，令佢哋認識多啲唔同嘅日本和唔同嘅外國牌子，其實有好多牌子都係圍繞音樂而生。」
Band仔眼中的BandTee
林祥焜：「自己好欣賞好多外國樂隊嘅形象，好似美國樂隊TheMisfits同日本樂隊KISHIDAN氣志團等，佢哋可以做到音樂同形象都好鮮明、好成功。當然對樂隊影響最深嘅始終係SexPistols，佢哋係第一隊玩OriginalPunk嘅。不過，睇番𠵱家旺角街頭PunkLook嗰啲𡃁仔，又唔係鍾意音樂，但玩形象又玩到過晒火位，似SM多啲囉！其實好多牌子都係包含Rock嘅味道，例如VivienneWestwood、mastermind、NEIGHBORHOOD同UNDERCOVER等，但香港人好多時都有理冇理買咗當靚衫着，完全懶得去諗Designer背後嘅意思。自己好想喚醒香港人應該要尋根，唔係麻木地買啲衫嚟着。其實有好多PopStar都唔應該着呢啲牌子嘅衫，一定要好有性格嘅人先可以着出嗰個牌子嘅味道。」
BandTee逐個數
林祥焜至愛
件Tee上面幅漫畫係日本嘅ArtistJackie&TheCedrics，佢同好多人夾咗好多隊Band，成日玩車房音樂，喺裏原宿開咗間舖頭，呢件係我專登過東京買㗎。
Barry至愛
唔係收藏咁多BandTee，買衫多數買BountyHunter同MacToys，款式好靚好有性格，Fashion得嚟保留住Rock味。
阿基至愛
冇特別買衫癖好，自己着過舒服嘅牌子會多啲留意，較鍾意啲Tee嘅Print係標誌。加入咗高潮之後，會買多咗黑色衫，仲話可以瘦啲喎！
阿強至愛
揀Tee首先會睇靚唔靚，之後就睇件衫想表達嘅內容，自己喺香港好多時會去Creatures買衫，其實係朋友開嘅，不過設計幾好之餘又好啱Rock友着。
UndergroundBandTee
Underground今夏新貨以BandTee為主題，靈感來自樂隊Libertine。無論Cutting同Print都以Band仔形象出發，大玩洗水窄身，但卻留一點斯文嘅味道。
其他牌子BandTee
售賣點
a/Underground 尖沙嘴新港中心LG64號舖 （23141231）
b/DAY 銅鑼灣總統商場地面28B舖 （23761176）
c/JUICE 銅鑼灣百德新街53號2樓A （28810173）
d/Oldies 銅鑼灣耀華街28號1樓 （25758775）
