無綫昨日出動260名藝員在將軍澳電視城為無綫收費電視造勢，但是兩名熱辣辣的新聞人物郭羨妮和徐子珊都未有出席。無綫製作資源部副總監樂易玲說：「今日係義工，有啲藝員度唔到期，以我所知，郭羨妮要拍電影、廣告，又準備拍劇。」至於徐子珊在電台節目《性在有心》入面的大膽言論，因有損港姐形象，被樂易玲照肺，樂小姐說：「唔係照肺，係傾偈，教佢點樣講嘢，我冇話過雪佢。」
廖碧兒得寵
林保怡、湯盈盈、馬浚偉、鄭嘉穎、廖碧兒及at17在一眾藝員之中被邀請到台上推介無綫收費電視主打頻道，可見得寵指數相當高。
鄭嘉穎被問到最近得到無綫重用，他竟然扮聾，說：「好嘈啊，聽唔到。」之後，他說：「公司畀機會，我都覺得好幸運。」廖碧兒則說：「好開心，公司叫我做，我好少做司儀。」
採訪：楊潔雯、卓美娟、王崇穎
攝影：陳順禎
