添馬艦得到民主黨同民建聯支持，唔使問阿貴，無論成本幾貴，都係過硬，一直支持搞好中區規劃先搞添馬艦嘅公民黨梁家傑就唔係咁睇，覺得就算係事件畀政府當無到，都唔代表唔出聲，因為歷史會做見證，所以佢會繼續提意見。
添馬艦雖然重要，選委會一樣唔可以忽視，一班泛民主派噚日又再出動，走落街頭派傳單，呼籲合資格人士登記為選委會成員。
湯大狀話今年選委會選舉風聲好緊，上至政府下至政黨都揸得好實，但相信法律界唔會受影響。
白鴿黨嘅達仔就無有怕，反而好有信心可以喺3個界別贏取所有席位。
傳真︰2623-9278
電郵︰[email protected]