【本報訊】現時大學學費佔成本20%，高於當局一貫18%的指標，立法會議員昨日炮轟教育統籌局玩弄數據，要求盡快調減學費。教統局局長李國章即時反駁，與議員唇槍舌劍辯稱在現時收費下，各院校不會蝕底，又強調大學未來不會減學費。
立法會教育事務委員會昨討論大學學費資助，李國章指目前大學除經常性撥款外，仍有許多非經常性撥款及資助，而大學亦可自訂學費，按目前的資助模式，大學不會蝕底。他將減費要求扭曲成「如果要削減學費，其實係立法會嘅議員想削減大學開支。」
張文光斥李國章打茅波
教育界議員張文光直斥李國章打茅波，「神又係你、鬼又係你，條數係你計出嚟，又話平均單位成本唔係咁，明明下降咗，你又唔肯減學費。」
議員張超雄亦指李國章玩弄數據，猶如其子考試獲B級，當入大學時卻強說是考A，「佢會話加埋啲課外活動，就已經係A級。」
李國章反駁指有許多學科均交貴了學費，部份學科卻交少了學費，「我可以解釋得好清楚，但係我唔畀啲議員喺度迫我講加學費，之後就話我加學費去到百分之20、百分之40、50。𠵱家院校係無蝕底㗎，你唔可以輸打贏要。」
他表示，教資會詳細將大學經常性及非經常性開支，及真正資助學生的比例數據交立法會。