向來以高質素生活品味做賣點嘅薄扶林貝沙灣，6萬方呎嘅第3期住客會所剛剛正式啓用。盈大噚日仲專誠請嚟美國權威雜誌《福布斯》總裁及總編輯SteveForbes，及不少駐港領事親臨會所現場參觀，一齊食餐飯。
盈大地產行政總裁李智康話，貝沙灣1及3期會所，分別佔地8萬同6萬呎，耗資兩億興建。剛啓用嘅第3期，名為朗峰（ClubBel-AirPeakWing）。會所各處擺放唔少從世界著名拍賣行如蘇富比、佳士得及私人收藏家手上買番嚟嘅古董珍品，價值近1000萬美元。
例如樓底高逾50呎嘅大堂中庭，放咗價值逾38萬元法國油畫CarriedAwaybyLove，中央訂製逾9.6萬粒大型水晶吊燈。私人宴會廳就擺放喺佳士得拍賣投得嘅17世紀AMarbleBustofEdouardColbert及古董藝術品。
盈大執行董事顏金施話，朗峰由國際著名室內設計公司HirschBedner設計，住客可共享兩期會所設施及逾170萬方呎園林，總之就豪啦。
電郵地址：[email protected]
