新牌仔考到車牌之後，最想做的事當然係快快手手買部車，過吓做車主癮，順便享受駕駛樂趣，我的一位差唔多10年無見嘅中學同學便是其中一員。早兩日他曾致電給我，問我開車前要注意啲咩喎。既然係咁，不如等香港駕駛學院嘅導師方Sir，同大家講解一下開車前要留意啲咩啦。
車身燈號要無損
不論是新牌抑或是已擁車牌多年，作為一個負責任的駕駛者，每天開車前都應該仔細檢查燈號、偈油和冷卻水，免得因壞車而影響其他道路使用者。「出車前為車子作出的檢查，主要圍繞車身外的東西，例如車身或其部件有否凹陷或搖搖欲墜，甚至脫落；同時，燈號也應作出檢查，因為它們不但可助你照亮前路外，也可令其他道路使用者知道你的去向。」方Sir笑着說。檢查方法也非常簡單，先亮起所有車燈（包括死火燈），然後再圍繞車子走數圈仔細看清楚，若發現有問題的話，應立即將車送往車房維修或更換。
水撥輪胎同樣重要
此外，車子的水撥跟輪胎，也應在開車前作詳細檢查，前者可用手摸一摸，若果變硬或撥水時在擋風玻璃上出現水痕的話，即表示水撥膠已「到期」，應該盡快將之更換。輪胎方面，由於法例規定輪胎的胎紋至少要深1毫米，並且最少要蓋過胎面約t的寬度，所以若發現胎紋不足，也應盡快更換，還有是應根據汽車說明書上所寫的數據為輪胎充氣。
記者：鄭達基 攝影：黃子偉 模特兒：Crystal