汪明荃（阿姐）噚晚接受咗李慧玲主持嘅商台節目《左右大局》訪問，都係講番想大家支持粵劇，阿姐同杜琪峯為咗西九代表單嘢鬧大交，搞到曾特首都要關心吓呢件事，聽番個節目先知，原來特首發咗封信畀阿姐，不過阿姐就話始終冇交代到點去幫粵劇界，立法會議員蔡素玉就打電話去電台話支持粵劇發展，仲建議喺立法會討論吓，可唔可以喺北角另外搵個場地做粵劇。