近日郭羨妮與殼王陳國強的緋聞傳得火熱，女方忽然富貴，揸靚車兼住豪宅，與殼王的前緋聞女友葉璇待遇大不同，有指葉璇因此心情起落，要告假散心。昨日葉璇出席宣傳活動時，再次否認與殼王相識，並指自己「得閒死唔得閒病」，沒有告假。
葉璇昨日應邀到金鐘萬豪酒店出席「明天我要當冠軍港澳學生團」宣傳活動，獲封為慈善大使，呼籲學生踴躍參加。她以一身露背裝襯熱褲上陣，並以流利英語跟主辦單位之外籍人士溝通。
太高調被拋棄
葉璇早前被拍下「磨爆」殼王陳國強的相片，手機短訊亦離奇被公開，相信是葉璇太高調，令殼王一怒之下與她劃清界線。殼王其後成功𠝹掂郭羨妮，他們日前前後腳出席邵逸夫在清水灣片廠舉行的飯局，還有傳殼王有份投資的新片《卧虎》欽點郭羨妮為女主角，看來殼王的確對比葉璇低調的郭羨妮寵愛有加，故有說葉璇因此而酸溜溜，心情大受影響，即時告假4天療情傷。
昨日葉璇心情大靚出席活動，被問及殼王有新戀情時再次聲言與對方並不相識，否認曾告假療傷，葉璇說：「我都唔識人哋（指殼王），莫名其妙得啖笑，我1日假都冇請過，得閒死唔得閒病啦，寫呢個消息嘅人都妄想症，簡直係閉門造車。」葉璇又表示雖然認識郭羨妮，但在無綫未有合作過。
講到明要搵錢
雖然葉璇忙着拍攝亞視新劇《情陷夜中環II》，但親情至上，她已為本周日母親節準備了禮物送給媽媽。
葉璇說：「已經買咗1套生髮用品寄返杭州送畀媽咪，因為佢年紀開始大，頭髮有啲稀疏，等拍完劇先再同媽咪補祝，佢會諒解我嘅，個女要搵錢嘛。」
採訪、攝影：卓寶花
