昔日在香港BMG做一哥的陳小春，轉投正東唱片後，與陳奕迅同門，小春坦言不會跟他爭一哥地位，並表示新公司給他很大自由度，新碟歌曲由揀歌至收歌都由他一手包辦，但亦少不免夾雜粗製濫造的魚蛋歌。
陳小春、台灣樂隊南拳媽媽及張繼聰前晚在奧海城演出「生力WilddayoutOutdoorParty」，近300名市民到場，聲稱捧南拳媽媽場的謝安琪，被臨時拉上台與男友張繼聰合唱，兩人還穿上情侶波鞋。南拳媽媽演出時，隊員不慎踢跌台上的小螢幕，場面蝦碌。小春壓軸出場，有歌迷大讚他型仔，小春得戚地說：「我知我型咗好耐㗎啦！」
避世盃遲出碟
小春接受訪問時透露原本打算5月出碟，為避世界盃，才延至7月推出，他說：「上次出嘅廣東碟係《愛妻號》，都十年八載，今次張碟啲歌好絕，有《羞家》、《拐帶你》同𠵱家宣傳嘅《劫數難逃》。」小春謂新公司給他很大自由度：「揀歌收歌我一手一腳，當然都要啲魚蛋歌，包裝都靚啲㗎。」
問到小春與陳奕迅誰才是一哥，小春說：「同公司唔使爭，一哥佢做啦，我一向唔爭嘢，唔信你查我紀錄。」問小春有否試過被搶？小春頓時一肚子氣：「有個創作人以前畀首歌我聽，我遲咗幾個鐘覆佢，就俾人搶咗，佢寫歌畀幾個歌手聽，食幾家茶禮，早啲講我咪早啲扑槌囉！之後我冇同佢合作，嗰首歌都冇預期中咁好成績，畀我唱實好好多。」小春又表示新碟會是今年樂壇頭5名質素好口碑好的唱片。
入圍當作攞獎
南拳媽媽入圍台灣金曲獎的「最佳演唱組合獎」，問隊員彈頭可有信心打低一同入圍的組合S.H.E，他說：「入圍就當作拿獎了。」對於周杰倫沒有獲提名，他說：「他拿奧斯卡就可以了。」
採訪：李珮洳
攝影：仇志德
