瑞典富豪車廠呢期好旺場喎，先有新一代C70開篷跑車登場，跟住又有新S80同Facelifted新版XC90，早幾日仲幫S60出埋個新Look，你肯定會問部車變成點，但我只會答你：「只要看，不要問！」
記者：鄭達基
新顏色襯新軨 咪型囉！
嫌舊的S60斯文？咁你肯定鍾意呢部新款車喇！原因好簡單，就係佢唔單止鬼面罩個Size大咗，最緊要係廠方今次為佢加入咗好多Option配件，例如頭尾泵把連整流器和跟車身同色的尾翼等等。但問我最正會係邊一Part，當然係新加入嘅三種車身顏色配搭，包括ElectircSilver、OrinocoBlue和MapleRed，再加埋也是新的Nodus（16吋）、Tucana（17吋）和Eudora（18吋）合金胎軨，咁又點呀？型囉！
內櫳性能強 開快啲！
走進車廂，包你即時會俾佢吸引住，因為有GridAluminium金屬裝飾外，還有那個三幅式跑車軚環和前後兩排跑車桶椅，正宗好坐又好揸。它的另一個賣點，是底盤的剛度有所增加，例如加硬了防傾桿和將懸掛調校硬一點，過彎再不用怕會左傾右側。同時，一組頭燈是Bi-Xenon款式，夠照之餘仲有埋轉向功能，睇嚟我嗰位成日話夜晚睇唔到路嘅朋友，都應該無聲出。