劉小姐
19歲 130磅
「我以前好瘦，兩年前因為盲腸炎，我媽咪就幫我係咁補，猛咁畀嘢我食，搞到我𠵱家咁肥，130磅唔係好重，但係最慘我矮，得150厘米高，肥咗買衫又唔方便，連我啲朋友都覺得我要減。」
陸先生
30歲 240磅
「減肥係為外觀同健康，我因為肥身體都有啲毛病，好似血壓高同痛風症，之前都入過醫院，試過食減肥藥都唔得，我希望可以減50磅。太肥追唔到女仔，所以希望減肥之後，可以追到女仔。」
唐小姐
19歲 230磅
「之前喺英國留學，食到愈嚟愈肥，我都試過食代餐成功瘦過，不過好快又肥番，仲愈嚟愈肥，我希望入圍可以減到150磅，最想就係減手臂、腳、大髀同腰，其實全身都要減。」
黃小姐
21歲 136磅
「我想減到125磅，以前都試過去其他纖體公司，畀成萬蚊都冇乜嘢用，今次見唔使錢咪試吓囉！我亦都試過食中藥同西藥減，但食西藥心跳會加快，而中藥食完反而就好開胃。」
