照顧年邁母親是個包袱，還是盡孝的機會？對59歲的蔡莉英而言，照顧86歲、因3次中風而全身癱瘓的母親絕非犧牲，只是為人子女應盡的本份。沒有埋怨，只有奉獻，就讓我們在母親節前夕一起分享這份無私的愛。
6年前首次中風後，蔡莉英的母親接受了多次物理治療，其後仍「識行識走」；兩年前再次中風，但她從此半身癱瘓，只能偶爾坐輪椅到寓所附近吸吸新鮮空氣。為照顧行動不便的母親，還有當時仍在世的父親，莉英毅然放棄工作，當上兩老的全職保母。
禍不單行，其母去年竟第3度中風，兩個月後父親也不幸辭世。蔡莉英說：「媽媽第3次中風時大家都好驚，擔心佢唔得，雖然後來冇事，但就全身癱瘓，又認唔到人，連嗌佢阿媽、同佢講嘢都冇反應。」
學習插胃喉餵食
雖然如此，但仍是待嫁姑娘的莉英對母親不離不棄，不但跟隨醫護人員學習插胃喉餵食等技巧，更每天抽空與終日卧床的母親傾談，「雖然唔知佢聽唔聽到，亦唔知佢明唔明，但都同佢傾吓偈，講畀佢知嗰日屋企有乜嘢事發生，等佢唔好覺得冇人理。」
但她坦言在母親第3次中風前，曾想過安排母親入住安老院，但因為「佢以為仔女唔鍾意佢，唔肯去」而打消念頭。那現在可會安排母親入住安老院？蔡莉英說：「唔會啦，阿媽𠵱家唔識講嘢，我驚佢俾人刻薄都講唔到，寧願自己照顧。」
一個別人看來偉大的故事，在莉英眼中卻是理所當然，「孝順係中國人嘅優良傳統，細個時阿爸阿媽係咁教我哋。」拖着母親瘦小的一雙手，她笑說：「阿媽後生嗰陣好靚女㗎！」
記者：趙燕婷
逢周一刊出