譚玉梅前晚出席城中公關鄭紹康的生日派對，她透露早前在北京飲了過期奶引致肚瀉，母親藉五一黃金周來港照顧她。對於多年來關係密切的趙世光原來認識她之前，已有位為他誕下子女的二奶程秀麗，譚玉梅表示早知此事，但對記者指她豈非做三奶，則大感不悅。
城中公關鄭紹康昨日生日，前晚在銅鑼灣印尼餐廳舉行以峇里風情為主題的生日派對，好友譚玉梅及譚紅梅姊妹、傅明憲、翁嘉穗及鄭詩韻均有出席。譚玉梅穿上4年前買下的彩色性感裙現身，記者大讚她身材4年來沒走樣，她笑說：「但係我嫌太性感啦，以後要收起性感。」
「我知咗好耐」
問譚玉梅送甚麼禮物給壽星仔？她揚一揚手上的金利是封說：「折現，小小心意啦！」問她現在有沒有拍拖？她笑一笑說：「係秘密。」問她有沒有再見趙世光？她說：「唔方便講，我知佢健康好咗好多啦。」
有雜誌踢爆早在她與趙世光交往前，對方已有二奶程秀麗，並為他誕下一對子女，譚玉梅說：「Ofcourse我知咗好耐，不過唔關我事，notmybusiness。」問她豈不是三奶身份？她一聽即黑面不悅。
飲過期奶狂瀉
譚玉梅透露剛自北京返港，近年她主力於京、港兩地投資房地產生意，斬獲不少，她說：「我唔係好舒服，啱啱先喺北京食物中毒，有一次打完golf之後飲咗杯咖啡，落咗啲懷疑係過期嘅奶，之後屙咗好多次，仲因為咁瘦咗幾磅㖭，啱啱五一黃金周，我媽咪都嚟咗香港照顧我。」
採訪：JessicaNgan
攝影：ChanShunChing
