近排，全港幾間網絡商都展開咗過台買3G平機大攻勢，以勁筍折扣兼唔使預繳嚟搶客！不過One2free亦唔執輸，上個禮拜，呢間網絡商正式發出戰書；唔同嘅係，今次主要針對新上台客戶，着數價由千幾元至2千幾元不等，除3G機外仲有新舊款2.5G手機俾你揀，接近12款咁多，夠晒熱鬧！
呢次One2free分別推出咗3種着數計劃，其一主要為新上台3G客戶而設。另外，仲特別為開兩個新冧把嘅客戶，提供激平購機優惠。以SEW900i為例，新客上台機價只需$3,288；若以滙豐信用卡簽賬仲可減多$500，即係比原價$5,288差唔多平$2,500！至於合約方面，都係例牌15或18個月，通話月費由$118至$298不等。不過名額有限，先到先得㗎！
查詢：One2free（29722123）