何韻詩早前到北京拍攝音樂短片《花見七九八》，跟男主角黃覺大跳貼身舞，不過令她最不習慣的並非與對手身貼身，反而在無遮無擋的廁所內，與另一名女子肉帛相見，既聽到又睇到雙方如廁才最尷尬。
何韻詩本月中將推出新唱片《ourtimehascome》，並隨碟附送30分鐘音樂短片《花見七九八》，早前阿詩到北京拍攝這部短片時，雖然捱凍兼日夜趕工，吃盡苦頭，但她未有半句怨言。
冇遮擋頂硬上
由於內地廁所簡陋狹窄，阿詩為免弄髒戲服，特地包實褲腳和換上黑布鞋，扮相認真騎呢。當她如廁時，剛巧又有一名女子正在如廁，而廁所內沒有任何間隔遮擋，阿詩惟有頂硬上當對方透明，她說：「真係鬼死咁尷尬，乜都見到晒同聽到晒，好唔習慣，所以都同自己講快手啲。」
短片中，阿詩飾演舞蹈學院學生，與曾主演《長恨歌》的黃覺不停跳現代舞，阿詩為求逼真，早於拍攝前1個月已在港邀請著名現代舞老師教跳舞，由於阿詩過往從未試過跳現代舞，初學時難免有點不習慣，尤其是拍攝當日阿詩與黃覺有不少親密接觸，黃覺要抱起她360度轉圈，阿詩初時一度顯得非常緊張和拘謹。
狂轉圈頭暈暈
阿詩笑說：「一開始跳現代舞都知道會有好多貼身機會，我絕對明白要就住係有一定難度，蝕底就在所難免㗎啦，不過，我相信男主角都唔會感覺到嘅！」
跟男主角身貼身不特止，阿詩還要不停轉圈，轉到她暈陀陀，行路也要助手相扶，她說：「拍一個鏡頭轉十幾圈，加加埋埋轉咗幾百個圈。」
撰文：林妃
