台灣名模林志玲之前講過話會休息半年，但佢噚日喺台中出席公益活動，冒住猛烈太陽坐喺開篷車上巡遊，林志玲不停揮手，好似台灣總統陳水扁咁威水，令現場水洩不通。 其間巿民異口同聲讚佢「你好美」、「我愛你」，𠱁到林志玲鬼咁開心。當林志玲向途人派發康乃馨時，大家都爭住搶，問到底有冇人趁混亂向林志玲鹹豬手？佢嘅助手話：「沒有啦，這裏的人都很熱情，不會吃豆腐啦！」