作為品牌雜誌，介紹旗下新車是指定動作，所以今期有平治R-Class、S-Class介紹，當中重點係全新Pro-Safe系統如何照顧駕駛者和乘客安全，車內設備點樣窩心體貼。
平治三劍俠
人車之事就有平治三劍俠故事，講吓3位代表平治出戰F1、F3及DTM嘅車手威水史，如何少年得志……雜誌又提及南極科研概念作品和流動研究站，供極地研究人員作點對點嘅勘探活動；仲有樓高160層，700幾米高嘅大廈；同埋MAYBACH嘅概念賽艇。
玩性格文章
還有一列LuxuryGoods嘅介紹，有性格到連杯碟、座地燈都要玩個性，最後有一篇關於創意同好奇心嘅專訪，雖然唔關車事，但呢位設計學院教授講解設計師都有社會責任，而佢哋又點樣喺工作上履行呢一類責任……對駕駛者有一點點啟發；始終平治都係賣性格，所以車書都要有少少另類文章，睇車之外，用嚟打發時間，算係唔錯咯！
記者、攝影：戴維浩
