以前啲明星好鍾意自抬身價，成日話幾千萬俾人挖角，但香港市道唔好之後，就冇呢支歌仔唱。最近啲歌星紛紛返內地拍劇，好似大笑姑婆同醫生，大笑姑婆同內地戲王合作，竟然話收人600萬酬勞，以佢現時喺內地身價頂多4萬蚊一集，30集咪收120萬囉，吹到600萬咁大。點知佢老友醫生都有樣學樣，早排話同馬騮王一齊拍內地劇，雖然拍唔成，但都話收人500萬，唔通佢講緊印尼盾同日圓？