唱了幾近半個世紀的潘迪華，雖然因為主演王家衞的《阿飛正傳》才廣為年輕人認識，潘迪華也不曾感到氣餒，反而感激王家衞給予年輕人機會，從電影開始去認識她的音樂。潘迪華更期望跟王家衞攜手合作，拍攝中國音樂歷史紀錄片，流芳百世，把中國音樂文化帶到西方國家。 撰文：戴彩煥
老一輩的人，認識潘迪華是因為她的名曲《愛你變成害你》，年輕一輩的，卻因為王家衞。90年到00年，潘迪華先後拍過王家衞的《阿飛正傳》和《花樣年華》，幾乎被認定是王家衞的「愛將」。
籌拍音樂紀錄片
雖然年輕一輩因為王家衞才曉得自己的存在，潘迪華並不氣餒，她說：「多謝王家衞，唔係佢，好多年輕人唔知我係邊個，拍咗《阿飛正傳》之後，啲人認識到我係歌星、聽我嘅歌，最重要係幫到班後生去留意以前中國嘅音樂文化。」
數十年來，潘迪華對推動中國音樂文化不遺餘力，72年自資製作香港首齣百老滙式音樂劇《白孃孃》，雖然慘蝕百萬，潘迪華仍不放棄，5年前就曾與王家衞談過拍攝中國音樂歷史紀錄片，第1部份由20年代上海講到60年代的香港，第2部份由70年代到現在。
重提「百年展」火起
潘迪華說：「我同崔萍、張露佢哋提過，佢哋都好樂意協助，王家衞提議我搵EMI傾，但EMI嘅負責人話冇興趣，個project起碼要2、3百萬，我又負擔唔起，結果搞唔成，我好傷心。朋友叫我搵政府投資，我話蚊瞓啦，香港打骰嘅人同政府班高層，個個都唔肯孭飛，一定要surewin，但nothingcanbesurewin！」
談到中國音樂歷史，不得不提3月舉行的「中國唱片百年展」，潘迪華興高采烈的擔任「百年展」剪綵嘉賓，但在會場逛了一圈後，發現展品幾乎全是介紹近年當紅歌手的事迹，在「中國唱片百年大事記」中，50、60年代興起的黃梅調、國語時代曲及60年代的台灣歌曲完全不提，氣得她翌日在專欄中狂轟，直斥這個「百年展」改名「半百展」更為恰當。
再搬《白孃孃》上台
潘迪華說：「歷史就係歷史，發生過嘅事點可以提都唔提？抹殺當年付出努力嘅功臣？歷史每個環節都係好重要，係咪應該畀人知道音樂歷史係點樣走過嚟？」
潘迪華自言活在世上的價值，是她的音樂，畢生最大願望是把中國音樂介紹到西方國家，她說：「近年有海外讀電影嘅人study我，用我嘅歌做電影配樂，好似今屆香港國際電影節上嗰部《斷袖男》就用咗3首，60年代做嘅嘢，終於喺𠵱家俾人見到。」
最近潘迪華正計劃把《白孃孃》重新包裝，再次搬上舞台，儘管當年投資這齣音樂劇時蝕掉百萬港元，她也不曾後悔：「唔考慮回報，先至做得成理想！」
部份圖片提供：潘迪華
