【本報訊】安天集團事件揭示了預繳式消費問題重重。受脫髮問題困擾的梁小姐上月收到HQ活髮中心錄音電話推銷，聲稱可提供生髮服務，於是在母親陪同下到尖沙嘴的分店了解詳情，最後「碌卡」7,000元購買護髮用品及10多次活髮療程。
梁小姐3天前（上周四）首次正式接受活髮療程，「當日生意幾好，有好多人等緊做療程，有唔少係第1次上去，見到啲職員猛咁𠱁佢哋畀錢。」到昨日梁小姐致電活髮中心預約第2次服務，才獲職員通知公司已結業，她急忙與母親前往尖沙嘴及旺角兩店了解事件，但無功而還。梁母說：「佢哋擺明係呃人，上星期四先見佢哋接新客，今日就突然結業。」
戴夢夢經理人稱被利用
梁說：「初初都冇諗住幫襯，但上到去佢哋（職員）不斷游說，又話減價，又不斷播放明星戴夢夢、黃百鳴演出嘅宣傳片，所以最後都落咗叠。」戴夢夢經理人聲稱她純粹無辜被人利用，「我哋當日接拍嘅RoadShow節目，夢夢只係做主持。」
在互聯網討論區，有曾光顧HQ活髮中心網友說，曾購買1個4萬5千元的「保證療程」，其友人更買了1個8萬元療程。結果療程無效，網友投訴，卻反遭揶揄：「我哋個個客仔做都冇問題，都唔知點解惟獨你冇效！」
消委會發言人稱，該會一向不鼓勵消費者光顧預繳式消費服務，即使無可避免，也應盡量「唔好畀咁多」。律師鄧達明說，若消費者索償金額在5萬元以下，可入稟小額錢債審裁處，排期需時2、3個月。若消費者有證據顯示該集團存心詐騙，可以報警求助，「公司明知即將執笠，仍然接受預繳，等如開空頭支票。」