橋唔怕舊，最緊要受，跪地送花雖然係老套，但贏得美人歸成功率就最高，鄧麗欣（Stephy）噚日喺黃金海岸舉行簽名會，近百fans捱熱排足5粒鐘隊等簽名，大會仲安排咗男fans自製花球向Stephy講愛的宣言，最後跪地唱情歌嘅fans脫穎而出，𠱁到Stephy笑到四萬咁口。
新MV谷胸
Stephy承認欣賞男仔花心思，曾經試過收100支玫瑰，反而冇乜感覺。有報道話佢同緋聞男友方力申前後腳睇樓，佢話係同媽咪睇樓，仲笑話媽咪嗰樣唔似方力申，問記者係咪嗰度有經紀似方力申。
日前Stephy仲着住性感宮廷服拍《被遺棄的公主》MV，身材忽然好突出，俾工作人員笑佢係咪整大咗個胸。