雖然樣子絕對古怪、既似貓又似狗，即使用醜樣來形容史迪仔也很貼切，不過憑着他的可愛性格卻俘虜了很多人心。史迪仔（Stitch）這隻藍色的外星生物是卡通片《扮嘢小魔星》的主角，沒有像其他迪士尼卡通人物般有討好的外形，但卻是近期最受歡迎的卡通人物之一，古靈精怪又百厭的史迪仔支持者眾多，難怪現在一出旺角銅鑼灣都一定搵到史迪仔的蹤影，一齊感受一下史迪仔的魔力啦！
記者：雞髀姑
攝影：大食積
Model：彤彤、敏敏
上學唔遲靠鬧鐘
個個學生都不愛早起，總要待到最後一刻才願意起床，若果用一個可愛的史迪仔鬧鐘來叫醒你，你又會不會立即起身，不用再受媽媽的嘮叨？
瞓覺都對住
鍾意史迪仔的你一定希望無時無刻都可以把深愛的史迪仔掛上身，連瞓覺都對住佢，睡衣和拖鞋都是家中跟自己最貼身的恩物，你又有興趣買來日對夜對嗎？
上學必用
鉛芯筆是筆袋內不可缺少的文具，筆袋內有支史迪仔的鉛芯筆，做功課都不會那麼悶，用心一點成績都自然好。若果再加上一本可愛的Notebook，對學習的興趣分分鐘大增！
扮嘢鎖匙扣
（左）一看就知道是扮貓王的造型，不過你又知唔知貓王是誰？$69、（右）不愛白色的貓王，你又會選這個黑色玩結他的嗎？$69
出街威威
星期日可以出去威威，小朋友們一定會着得靚靚，可愛的小斜孭袋一定能令你成為全部人的焦點，因為史迪仔實在太可愛了！
藏寶箱與垃圾箱
如果有一個精緻的膠箱，你一定會放自己的寶貝，但如果又有一個得意的垃圾箱，你又會否捨得把垃圾放進去呢？
《扮嘢小魔星》故事講乜？
在夏威夷，5歲小女孩妮露（Lilo）無意中收養了貌似狗仔的史迪仔（Stitch），原來牠是從外星來的小怪獸。正當兩「人」成為好友之際，一班外星怪獸從天而降要捉拿史迪仔，誰不知竟擄去了妮露，史迪仔想盡辦法誓要救回好友。
史迪仔殺入迪士尼樂園
香港迪士尼樂園將於6月推出《扮嘢小魔星》互動卡通，據報道，該動畫最大特色係你可以同動畫角色互動對話，即係可以同史迪仔傾偈啦！到時仲會有廣東話、國語、英語三個版本，係咪好期待先？
售賣點：Sweetland（31884569）
銅鑼灣地帶2樓276舖