以前很愛蒲的古仔，近年來喜歡靜，因為怕了香港的狗仔隊，不用開工時，他寧願留在家中消磨時間，生活頗枯燥，感情生活亦如是。古仔曾經歷多段感情，但始終未能開花結果。
42歲娶老婆
每次談論感情事，古仔的防線很高，他說：「呢期真係冇拖拍，啲人成日話我拍好多次拖，其實真係有戀愛感覺嘅感情，只不過有幾段咋！可能大家唔會信，當你試過幾段感情都係失敗告終，多少會有創傷，要去再發展新感情，其實係需要勇氣。有啲感情，到分埋手我都唔知自己衰乜，後來時間耐咗，經歷多咗之後就終於明白啦！又或者人與人之間真係講夾同唔夾，可能終有日我可以搵到個同自己好夾嘅對象都未定，我希望可以喺42歲之後成家立室。」
行蹤一向神神秘秘的古仔，手提電話永遠只用來打出，甚少開機接電話，除了極少數在他身邊工作的人和幾位好友有他家裏電話號碼外，大部份人都沒法直接聯絡他，雖然很多圈中朋友都投訴過找他很麻煩，但古仔堅持保持自己的空間。
古仔解釋說：「有次我去外地旅行，嗰度同外面嘅資訊完全唔通，我發現冇電話騷擾係好寧靜，先至發覺手機鈴聲好煩，返到香港之後，我就cut晒啲電話。
「其實朋友有事搵我，只要聯絡我個司機或助手，一定搵到我，而我自己亦會定時主動搵朋友食飯，唔會同外界失聯絡。」
