原本擁有一份工作及完整家庭的國叔，因患眼疾，工作失去，妻子離開，自此走向人生低潮，更因生活迫人，無力繳付累積多時的電費及煤氣費，隨時會被截斷服務，迫不得已向蘋果日報慈善基金求助。
56歲的國叔，於廣州出生，28年前移居本港，曾在葵涌貨櫃碼頭從事上落貨工作，及在酒樓任職樓面，12年前發生的一宗意外後，令他生命逆轉。
「94年中我喺荃灣一間酒樓返工，嗰晚因為大塞車，我等咗幾個鐘都冇車返屋企，惟有自己行返去，點知行過一條用水泥板搭成嘅行人路，冇留意條路原來冇咗一塊板，個晚天好黑又落雨，我就係咁叉錯腳跌咗落個窿。」
蘋果基金助繳欠費
國叔稱，事後他到醫院求診，未幾其雙眼開始感到不適，視野模糊，起初他還以為患上老花，直至98年，其視力逐漸惡化，有一日更突然看不到東西，他向醫院求診，證實患上視網膜色素變壞。
「有病之後，睇嘢淨係睇到一團影，一隻字都睇唔到，搞到連份工都冇埋，生活開始好困難，我老婆有日留低封信就走咗。嗰時真係受盡折磨，唔明點解呢啲事會發生喺我身上！」國叔憶述舊事，仍感心灰。
國叔稱，他現時更患有糖尿病和高血壓，健康欠佳，每月靠領取綜援金過活，兩名子女各有家庭，未能在財政上作出幫助。
他續稱，自眼睛有毛病後，眼部常生膿瘡，他有時會返廣州找當地中醫用中藥敷眼，紓緩痛楚，但交通費及醫藥費令他生活百上加斤，現他已累積拖欠兩年的電費及煤氣費，上月的租金亦未付，早前他更收到煤氣公司發出的最後通知，如不繳款便會截斷煤氣供應。蘋果基金有見國叔的困境，即時撥款6,000元助其繳付未繳欠費。
捐款編號：C2026
暖流熱線
電話：29908688
傳真：23702192
電郵：[email protected]
網址： http://www.charity.atnext.com