宮雪花望見周正毅

噚日喺星光大道舉行嘅「名曲滿星光心晴慈善點唱會」活動，宮雪花性感出席，佢仲帶咗自己嘅書《我的美麗人生》到場拍賣，內容係講述佢3次選美嘅過程，仲話本書喺內地賣咗20幾萬本。
花姨透露話周正毅5月會喺上海放監，佢話一場朋友，有機會嘅話會同周正毅見面，不過佢就冇去監獄探毛玉萍，因為要對方指定先可以探。