有朋友問《蘋果》係咪唔支持FairTrade，作為本報一分子，我又唔覺喎。當然《蘋果》係自由經濟信徒，但唔代表唔支持公平交易。計我話，香港人喺去年WTO期間已上了一課，想知多啲可以問樂施會攞份小冊子睇睇。支持FairTrade的品牌，以往最出名有Starbucks（星巴克用較貴的價錢買FairTrade咖啡豆），今日起有agnesb.。
B姐顯然關心這個議題，亦了解、支持，而且已化作行動。今次同Veja合作出Sneakers，就係希望將環保及公平交易的訊息宣揚開去。Veja於2005年成立，以重視人類及自然界為品牌理念。合作Sneakers採用純天然資源製造，例如鞋身為有機棉製帆布（帆布以有機耕種的棉花製造，有機耕種的優點是無農藥、無肥料，並可減少在乾旱地帶的用水量。）；鞋底以純天然乳膠鞋底製作（純天然乳膠是由一群橡膠樹保衞者，為防止砍伐樹木而研究出來的材料）。
Veja與巴西一班有機棉花及天然乳膠合作社合作，以全球市價2倍的價格購買這些原材料。對公平交易所付出的額外資金，是要資助合作社靠自己的能力發展具體的項目，包括教育、保健及生態環境保護等。（$990）
Shoplist：agnesb.（25063636）
地址：香港銅鑼灣時代廣場221號舖
