36歲的仁濟醫院醫生范寧，親身體會落後地區病人的需要，去年參與國際紅十字會的救援工作，到落後的肯雅為當地病人診症3個半月，令他感慨生命在那裏異常脆弱，「如果喺香港，有啲病人就唔使死」，這些經歷更激發他更有熱忱到第三世界關懷病人。
范寧返港後接受訪問時說，他本屬外科專科，到肯雅卻要充當婦產科醫生，「事前雖已接受專科訓練，但係同BB接生好緊張，接咗20個BB，有3個一出嚟已經死咗，其餘個個體重唔夠1公斤。當地冇氧氣箱，只係用紗布包住保溫。」
「希望下次去中東」
愛滋病在非洲十分普遍，但醫療設施落後，醫護人員沒有足夠醫療裝備。范寧坦言，照顧病人要格外小心，他治療的一名腳傷病人，動了多次手術，傷口仍不癒合，後來驗血發現是愛滋病患者。「當地醫護人員好有專業精神，佢哋冇歧視愛滋病人，用愛心同耐性照顧佢哋。」范寧與這名病人相處個多月，亦與他成為好友。
在肯雅義診3個半月，最令他印象深刻，便是有1名1歲嬰兒，50%皮膚被熱水燙傷，經治療病情好轉，但1星期後無故突然死亡。他感慨道：「如果喺香港，有啲病人就唔使死。」他深深體會到，生命在落後國家變得異常脆弱，激發他更有熱忱到第三世界關懷病人。
「落後國家好多人需要關心，我希望下次可以去中東救人。」范寧感到香港人很善心，遇到大災難即慷慨解囊，他希望有更多人坐言起行參與救援工作，將愛心帶到世界每一角落。
本報記者
