古巨基日前與日籍女模拍攝廣告，兩人除了在廚房玩煮飯仔親密纏綿之外，還在沙灘上互相拖行。基仔被女方拖行時不慎弄傷下巴，反拖對方時則令女角露出半邊屁股，結果導演最後棄用拖行女主角的部份，令基仔白忙一場。
古巨基日前為其任代言人的日本護膚品牌Orbis廣告，導演找來日本靚女模特兒尼子惠美任女主角。
整個廣告共拍了3天。女主角經常只穿超短褲晒長腿，還與基仔有不少親熱鏡頭，包括摟摟抱抱騎綿羊仔，卿卿我我煮飯仔等，其中有場沙灘嬉戲場面，本來基仔也大歎溫馨浪漫，誰知開心之餘導演竟要基仔與女角互相拖行，結果令他下巴受傷。
現出內褲邊
基仔說：「因為女主角係個活潑得嚟有啲野蠻嘅女仔，劇情咪話佢同我玩玩吓，突然拖住我對腳嚟行。因為我面向啲沙，拖行嗰陣下巴擦傷少少。睇落好似幾好玩，其實唔係幾好受。」
後來導演要基仔反過來拖行女角，他見對方穿上超短褲，怕拖行時會弄傷對方，又擔心令她走光，於是與導演研究了多個拍攝角度，可惜拍攝時女角還是被他拖得露出半邊屁股兼現出內褲邊。
1take收貨
由於導演欲貫徹女主角的野蠻形象，故只選用基仔被拖行那段。
古巨基苦笑說：「我拖住佢行嗰陣都好驚，要就住就住，怕整親佢，但又要顧及拍攝效果，好彩拍1次就搞掂，我真係唔想拖多次。」
合作3日，基仔與尼子惠美合作愉快，惠美更特意學幾句廣東話逗基仔開心，基仔則以英語和有限的日語與她溝通，惠美還請基仔到日本時要找她聚舊。
撰文：蔡如玉
