【本報訊】近期荃灣新盤萬景峯開賣，同區貨尾盤爵悅庭又減價促銷，新盤頓成焦點，置業者再重投一手市場，令二手睇樓活動大減。利嘉閣地產研究部表示，今明兩日全港十大指標屋苑，合共只有710組預約睇樓，較上周同期少7%。
新界區屋苑預約睇樓宗數跌幅最大，區內三個指標屋苑包括沙田第一城、馬鞍山新港城及天水圍嘉湖山莊，預約睇樓量減少13%至22%。利嘉閣馬寶通表示，萬景峯售價雖較沙田第一城高，不過，準買家對新樓有偏好，加上近月股市表現大好，區內換樓客傾向到外區選擇新樓，沙田第一城3房單位預約睇樓量銳減40%，5月份至今僅錄得4宗成交，較上月同期大跌一半。
港島及九龍區屋苑影響較輕微，預約睇樓量保持平穩，其中柴灣杏花邨及紅磡黃埔花園的睇樓量更分別逆市上升8%及10%。利嘉閣趙文基表示，近期黃埔花園買家多傾向選擇優質單位，更帶動毗鄰海逸豪園的海景單位睇樓量上升。