zoom：轉型時裝音樂人Skin

老友知我鍾意聽「電嘢」，又知我得閒寫吓潮流時裝呀咁，推介我聽呢位黑妹Skin。我話：吓？唔係嘛？呢位前SkunkAnansie主將玩開重型搖滾，唔多對口味喎！佢話試吓啦，黑妹呢期獨立發展轉玩電呀。無錯，自從SkunkAnansie散Band後，Skin作個人發展，原來呢張《FakeChemicalState》已經是第二張個人專輯，呢排果然甩甩哋Beat㖭。黑「皮膚」大姐於樂隊時期交出過一系列HeavyRock的成績單後，同好多英國人一樣，都是吃ClubCulture奶水長大的，之後她慢慢潛心轉型，開始學打碟，聽新派一啲嘅BlogParty、Clor、Noisettes等等，甚至為時裝名牌Gucci同McQueen行騷，開始潮起來。呢張專輯顧名思義，當然是講毒物聖地DrugNation英國啦，無論是大家平時頭痛醫頭嘅必理痛、抑或最好咪掂嘅派對毒品忘我Ecstasy、以致臭名遠播副作用可以遺害終生嘅抗抑鬱藥Prozac，喺呢張專輯都有一一提及，極有警世意義，對一班濫藥嘅鬼仔鬼妹唔知有幾多當頭棒喝嘅作用！香港後生一輩濫藥嘅程度當然同英國無得比，不過如果一班DJ們得閒喺派對打番一兩首Skin嘅新歌，警惕吓人愛錫吓自己都幾好吖。