法國五月，再度重臨。可見香港人是如何心愛一切法蘭西的物事：時裝、美食、藝術、電影、文化，無一不愛。反過來看，法國人又如何看香港？以下4位法蘭西籍俊男美女，異口同聲都說愛上香港、唔捨得走。有理由相信，香港的確是一眾「老外」的天堂。
記者：吳小明
攝影：譚盈傑
VincentAze：IloveHKimmediately!
來港3年半，Vincent日頭是一間電腦軟件供應商的SalesExecutive，晚上則搖身一變成為夜店DJ。從公司的倫敦分部調來香港，Vincent說之前對香港可說一點概念都沒有，公司讓他飛來視察3日，3日他已經愛上香港，至今已3年有半。
愛……生活質素
香港有幾好？Vincent填問卷時寫得很簡單：「Serviceisgreat.TheclientisKing.」細說起來更滔滔不絕：「Qualityoflifeisreallygood。各方面生活開支都較倫敦及巴黎為低，只舉搭的士為例，香港的士車費真係平到你唔信！香港地細但卻有明顯的城郊分野，只消搭半個鐘頭車，已經可以由中環到港島南區的海灘，既有國際大都市的生活質素，一時興起想到郊外呼吸新鮮空氣馬上可達。如果在我家鄉AixEnProvence，起碼要揸3個鐘頭車先去到海灘。仲有乜嘢都平，Everythingissocheaphere，由租金、一頓FineDining以至煙仔，都要比歐洲平好多、好多。」
恨……空氣污濁
對於香港，Vincent唯一最憎的是空氣及海港污染，這個問題其他城市都一樣不能避免，所以也沒奈何。但Vincent說香港最寶貴的一點是充滿生機，到處都是發展機會，連他的業餘興趣打碟，也找到了機會發揮。像他剛來香港正值沙士期間，夜店冷清，想找場打碟也難，但輾轉至今，Vincent現時已在Volar及Yumla等夜店當駐場DJ。換轉在倫敦，一個外地人沒有Connection，真是休想！
RaphaelDery：Iprefergoingbackthere(Paris)asatourist.
祖家在巴黎的Raphael，來港1年半，屋企從事珠寶生意，因跟香港廠家有生意來往，所以Raphael常有機會來港，來得多了愈來愈喜歡這塊寸土，最後索性跟爹哋媽咪說不如留在香港幫手打理他們在港的業務。屋企人沒有反對不特止，Raphael話其實佢媽咪都好鍾意香港，個仔喺度更加有理由可以1年飛3次嚟探佢，順道趁每年都搞的TDC珠寶展覽，可以親自落定單咁話。
愛……節奏急促
跟Vincent意見相若，Raphael亦說香港人態度好好，效率高，還說正是愛上香港急促的生活節奏，反而巴黎的慢叫他吃不消。「巴黎是一個有歷史的城市，事實上也很美，但社會經濟衰退多年，搞到巴黎人脾氣變得很壞；若果要我揀，我仍然會回去，但情願以一個遊客的身份，而不是回國的心情。事實上巴黎有的，香港也有，還一點不輸蝕，例如食。香港出名的幾家法國餐廳，水準基本上跟巴黎最好的也沒有兩樣；我身上這件Galliano恤衫，香港一樣買得到。」
TonguyWillems：EvenmorereasontobeinHKnow.
來自法國南部Pornichet的Tonguy，因公司在大陸設廠的關係，常有機會來港出差，但他的故事最為浪漫：年半前因為公幹來港，一晚夜蒲竟給他遇上一生摯愛。
愛……一個女孩
Tonguy本身鍾意玩具Figure，香港有不少出口玩具水準甚高，Tonguy早已對香港很有好感。而來港定居的轉捩點卻源於年半前的一個派對：「那晚我穿了一件『IloveDub』字樣的T恤，不知何解成晚好多英國仔起勢問我乜嘢叫Dub，我心想連Dub都唔知唔好去蒲啦！正俾佢哋煩死之際，突然一個細細粒嘅女仔行埋我身邊講：「IknowyouloveDub」嘩，嗰種正當你以為知音難覓，但原來近在咫尺嘅感覺，真係好難忘，我馬上覺得呢個女仔『reallyhassomething』，梗係咬住唔放成晚同佢傾偈啦。」
之後就成為一對的Tonguy及女友Ocean，經過半年兩地相思後，Tonguy終於決定放棄老家的一切，來港跟女友雙宿雙棲。好幸運Tonguy來港後，亦成功找到理想工作，在一家玩具公司出任CreativeDirector。
恨……蘭桂坊動物園
除了女友外，Tonguy對香港亦是讚口不絕：「香港人好、方便、中國菜好食、購物好、玩具有、中西文化交滙……」唯一唔好是「Notenoughgoodmusicevent」同埋「LKFZoo」。吓？蘭桂坊動物園？Tonguy說蘭桂坊太多遊客、太多扮嘢兼以為自己好型嘅人，所以統稱呢類型人物為LKFZoo。真抵死。
Severine：HKisanewcityforme,fullofsurprises(still!!!).
來港經已4年的Severine，在家鄉做過時裝設計，因為文化地域的差異，令她拎起相機成為攝影師。已先後在香港巴黎兩地搞過攝影展的Severine，今次《法國五月》她亦有份參與其中一個節目《法．電．港》，拍攝當晚派對情況，日後亦會將作品帶回巴黎展出。Severine說雖然來港經已4年，但香港對她來說仍然充滿驚喜，她最想將香港、巴黎兩地的城市面貌拍下，來一個雙城對照記，因為這兩個地方，她都同樣深愛。
