選委會選舉成為各大黨派兵家必爭之地,身為泛民主派選委會選舉重點策劃人之一嘅羅致光CK,當然話呢場仗難打,事關個個黨都昅實晒,政府又伸隻手(或者係個口)入嚟玩埋一份,泛民要攞位都唔容易㗎。
不過,難打唔等於冇機會,CK都會努力啲喺自己主力嘅負責範疇,例如社福同金融服務界嗰度做多啲功夫。要為泛民打開金融服務界缺口,真係需要一啲時間同毅力,相反喺社福界梗係輕鬆好多啦。
CK佢仲話,專業界別主要都會視乎參選人喺界內有冇名氣;如果係無名小卒,真係睬你都有味。簡而言之,都係名牌效應作祟,所以泛民佢哋一個主要策略,都係力主「明星戰」,搵番界內有頭有面嘅人幫幫手,希望咁樣可以攞得多啲位啦。
傳真︰2623-9278
電郵︰[email protected]