港姐出身嘅袁彌明（左）同鄧上文噚日接受新城訪問，講到徐子珊因為喺電台節目度大講性經而觸怒無綫，俾公司雪藏，佢哋兩個都唔敢就呢件事評論，因為公司下咗封嘴令。問袁彌明若果鄧萃雯邀請佢上呢個電台節目，夠唔夠膽上？佢起初話會上，但當知道要咁坦白講性經時，即刻轉軚話都係唔好喇，因為都驚喎。