唔再做滙豐大班嘅艾爾敦，可以話一啲都唔寂寞，喺商界仍舊好活躍，好似前一排先冧庄做香港總商會主席，佢本身又係馬會董事、貿發局理事會成員，噚日再多一個朵，就係DIFCA嘅董事局主席，真係可喜可賀。
呢個DIFCA係乜東東？全名係DubaiInternationalFinancialCentreAuthority，佢阿媽就叫DIFC，顧名思義，大本營喺杜拜，主要工作係幫喺04年成立嘅DIFC制訂未來發展策略，呢個中心家吓已經有過百個嚟自世界各地嘅會員！
華華覺得，DIFC今次搵艾爾敦做主席真係幾醒，事關Eldon喺68至79年，84至87年間，都喺中東銀行界打滾，雖然佢後嚟長駐香港，但都不時去杜拜，咁講到對亞太區及中東事務嘅經驗，佢認第二，睇怕都冇人敢認第一囉！