審計報告一出，成為城中熱話，華華好學唔學，都試下吹毛求疵，審計吓中環人嘅好幫手Bloomberg（彭博通訊）。
香港上市公司有幾千間，資料喺Bloomberg全部有得睇，仲係即時嘅，真係好有用，不過資料一多就易出錯，好似隻234咁，明明係新世紀集團香港有限公司，但彭博就一直錯稱「新世界集團香港」，英文名及股價資料就冇錯），唔知彤叔知道無端端多咗間上市公司，會有乜反應呢？
Bloomberg另一個偉大功能，係可以將同類公司列晒出嚟比較，之不過，電腦始終都仲有啲盲點。好似將展鴻控股（572）同勝獅貨櫃（716），佢哋當同類股份，雖然兩間公司都係做Container，但前者係造罐頭鐵罐，後者就係造貨櫃，點比較呢？